Cinsa namorada, é o primeiro traballo discográfico en solitario de Tino Baz que ten como finalidade crear un soporte sonoro da súa obra como autor, músico e cantor. É o resultado dun proceso de madurez creativa a través dunha longa carreira como profesional da música, sustentada en diferentes colaboracións con grupos da música galega actual e como músico que percorreu e espallou o seu traballo tanto en España como no resto do mundo.

As pezas que compoñen este proxecto, son músicas e textos de Tino Baz xunto a un poema da escritora luguesa Marica Campo, que ven a ser quen avala literariamente este traballo. Musicalmente, ven a ser o veterano músico Moisés Quintas quen asume a dirección artística e quen coordina a participación dos distintos instrumentistas que interveñen no proxecto, todos eles de sólida formación, de amplo curriculum e algúns deles, dunha longa e histórica traxectoria. Con Cinsa namorada, Tino Baz cumpre o seu desexo de facer un aporte fresco ao panorama da música galega actual, na parcela concreta da canción de autor. Tino trata de dinamizar as creacións musicais do noso país dende a súa convicción de normalizar a lingua e a cultura galega, na súa proximidade con Portugal.

CD Digipack