"Na flor dos meus anos" é o primeiro traballo discográfico da compoñente máis carismática de Malvela: a Señora Carmen. Aos seus 82 anos, cunha "tremenda xuventude acumulada", a Señora Carmen é un tesouro vivo da música galega tradicional.

"Na flor dos meus anos" consta dun libro escrito polo prestixioso literato galego Fran Alonso, un CD con 11 cancións con grandes colaboracións musicais como Dulce Pontes, Uxía, Xosé Manuel Budiño, Rodrigo Romaní ou membros de grupos tan recoñecidos como Treixadura, Berrogüetto ou Malvela, e un DVD con varios videoclips e un documental onde a Señora Carmen relátanos as súas lembrazas ey amósanos o seu lado máis humano.

"Na flor dos meus anos" é ler, escoitar e ver a unha lenda viva de Galicia: a Señora Carmen.

LIBRO - DISCO - DVD