PAI vai editar un disco moi especial. Trátase para nós dun auténtico traballo de investigación.

Agora vimos a nos enterar de que nos anos 60 houbo en Vigo MOITA MÁIS MOVIDA ca nos 80. Si, hai un inventario de FERNANDO FERREIRA (quen será o documentalista do traballo) onde se contabilizan 97 bandas na década dos 60. A medida que imos sabendo máis historias dos protagonistas, decatamos de que este traballo merece un documental grande coma un mundo.

 Xaime Fandiño, profesor na Facultade de Ciencias da Comuncación da Universidade de Vigo, realizador de programas na TVG como A tumba aberta ou Chambo, e ademáis membro dun grupo en aqueles anos, será o responsable de guionizar e dirixir o documental. Os estudios de Casa de Tolos van facer a gravación do audio, do making off , e dos clips de cada grupo. Este disco recollerá a testemuña musical de nove bandas.

Xa que logo, este será un completo traballo (CD+DVD+Libro) a realizar dende maio ata outubro, e será presentado por PAI a primeiros de Nadal.

Entre tanto, podedes ir vendo este trailer promocional para saber de que vai o traballo. Está feito tan só coa gravación de LOS GOLFOS/DON PABLO.